DAY TREATMENT – Fyrsta kremið í TARAMAR línunni

Fyrir 11 árum síðan, þegar ég hóf rannsóknirnar sem tengjast TARAMAR, þá var mér efst í huga að þróa húðvörur sem myndu auka heilbrigði húðarinnar og fá hana til að vinna betur. Ég var sjálf að eiga við erfið húðvandamál og upplifði að húðin mín væri líflaus, föl og oft rauð, þurr og hörð. Ég veit núna að þetta var ekki allt húðinni minni að kenna, en ég var að eiga við afleiðingar af skordýrabiti sem komu fram í húðinni. Málið er að húðin endurspeglar það sem er að gerast innan í líkamanum og segja má að það sé fyrsta skrefið að taka á því, en um leið þá er samt margt hægt að gera til að auðvelda húðinni að ná jafnvægi á ný.

Dagkremið er fyrsta kremið sem ég þróaði í tengslum við þessa hugsun. Það tók 3 ár að ná þeim gæðum og virkni sem ég var ánægð með. Lengstur tími fór í að ná stöðugleika í formúlunni án þess að nota manngerð efni sem tryggja stöðugleika og verja gegn örverum. Þannig var ljóst frá upphafi að ég vildi ekki nota marnngerð sleipiefni, siliconefni, teflonefni, fjölliður s.s carbomers, eiginleg rotvarnarefni eða nokkur efni sem gætu haft neikvæð áhrif fyrir menn eða umhverfi.

Samhliða þessari vinnu þá upplifði ég að það væri algjört skilyrði að formúlan væri í jafnvægi. Ég upplifði mjög sterkt að húðvörur eru alment ekki í jafnvægi. Þær eru oft á tíðum settar saman úr miklum fjölda af efnum sem vinna ekki endilega vel saman. Þetta varð til þessa að ég fór að skoða náttúrulega tíðni efna og hvernig þau höfðu áhrif á hvort annað.
Þessi þróunarvinna var ákaflega ánægjuleg en líka erfið. Ég skammast mín ekki fyrir að segja að stundum var ég gráti nær, t.d. þegar ég var búin að undirbúa formúlu með mikilli hugsun og setja hana saman eingöngu til þess að komast að því eftir 12 tíma keyrslu að það aðskildist, hnökraði eða lyktaði illa  

En á þessu tíma lærði ég mikið og komast að ótrúlegum hlutum tengdum náttúrulegu efnunum sem gerir alla vinnu við nýjar formúlur svo mikið auðveldari.

Gleðin var mikil þegar lokaútgáfa af dagkreminu leit dagsins ljós. Ég man ennþá eftir að halda á kreminu í fallegri glerflösku og ég vissi að ég hafði náð því ómögulega; 100% jafnvægi. Ég fann hvernig formúlan ósaði frá sér jafnvægi og ég gat ímyndað mér að hún hefði strax jafnandi áhrif inn í orkuhjúpinn minn, ef svo má að orði komast.

Þið upplifið þetta kannski líka ef þið haldið á dagkreminu í rólegheitum og leyfið andlegu fálmurunum að þreifa á því 🙂